"Гремио" ҳужумкор ярим ҳимоячиси Габриэл Мек Лондоннинг "Челси" клуби радарига тушиб қолди.
Англия гранди мунтазам равишда истиқболли юлдузларни сотиб олади: сўнгги мисол - "Палмейрас"дан сотиб олинган 17 ёшли Эстевао Виллиан. Инсайдер Фабрицио Романога маълум бўлишича, "Челси" яна бир истиқболли бразилиялик трансферини режалаштирган - бу сафар гап 16 ёшли Габриэл Мек ҳақида кетмоқда. Гарчи у ҳозирча "Гремио"нинг асосий жамоасида майдонга тушмаган бўлса-да, футболчи ўз ватанида бўлажак супер юлдуз ҳисобланади.
Лондон клуби потенциал битимнинг қийматини билиш учун Мек бўйича маълумот сўраган. Футболчининг Европага кўчиб ўтиши фақат икки йилдан сўнг, у 18 ёшга тўлганида содир бўлиши мумкин.
