Ҳимоячи Лени Йоро «Манчестер Юнайтед»га ўтди. Нуфузли инсайдер Фабрицио Романонинг ижтимоий тармоқларда хабар беришича, 18 ёшли футболчи аллақачон «қизил иблислар» билан шартнома имзолаган.
Ёш футболчининг меҳнат шартномаси беш мавсумга мўлжалланган - 2029 йилнинг ўрталаригача.
Аввалроқ, миш-мишлар футболчини бошқа топ-клуб – «Реал Мадрид» билан боғлаган эди. Шу билан бирга, Мадрид Йоронинг трансфери учун анча кичикроқ сумма таклиф қилди. Ҳаттоки, «Лилль» Лени Англиядан келган таклифни қабул қилмаса, уни захира ўриндиғида ўтказиш билан қўрқитгани ҳам хабар қилинганди.
