Агар Дани Ольмо қўлга киритилса, "Барселона" катта сотувни амалга оширишга мажбур бўлиши мумкин.

"РБ Лейпциг" ярим ҳимоячиси "Блауграна"нинг трансфер мақсадлари орасида қолмоқда. Евро-2024 қаҳрамонларидан бири тахминан 60 миллион еврога тушади ва каталонияликлар молиявий қийинчиликларни ҳисобга олиб, Испания терма жамоасининг 26 ёшли юлдузини сотиб олишса, юлдуз футболчиларидан бирининг кетишига муҳтож бўлиши мумкин.

"Jijantes FC"нинг "Барселона"даги манбаларига таяниб хабар беришича, агар Ольмо келишуви муваффақиятли бўлса, клуб кимни сотувга қўйишини аллақачон ҳал қилиб бўлган. Бу футболчининг исми ҳозирча ошкор этилмаган, аммо "кутилмаган" деб таърифланган.