"Ливерпуль" киберҳужум туфайли чипталар савдосини тўхтатди.

Чоршанба куни ўтган мавсумда "Энфилд"да 13 ёки ундан ортиқ лига ўйинларида иштирок этган мерсисайдлик мухлисларга Премьер-лиганинг 2024/25 йилги мавсуми биринчи ярми учун чипталар сотиб олиш имконияти берилди.

Бироқ, бир соат ичида чипталар сотилган сайт ишламай қолди. "Ливерпуль" мухлисларга электрон почта орқали "чипталарни сотиш тизимида жиддий техник муаммо" борлиги ҳақида баёнот юборди. Худди шу куни тизимни қайта тиклаш режалаштирилган эди, аммо муаммоларни бартараф этишнинг иложи бўлмади.

Ҳозирда жиноятчилар "Ливерпуль" тизимини қандай бузишга муваффақ бўлганини аниқлаш учун тергов олиб борилмоқда.