"Манчестер Юнайтед" Windows тизимидаги носозлик туфайли чипталар сотувини кечиктирди.
Бугунги кунда Windows қурилмалари бутун дунёда муаммоларга дуч келмоқда. Чипта сотишда қийналган “Манчестер Юнайтед” ҳам тизимдаги носозлик ҳақида хабар берди.
"Афсуски, кўплаб тизимларга, шу жумладан бизникига ҳам таъсир кўрсатган Microsoft серверларининг глобал узилиши туфайли бугун эрталаб режалаштирилган чипта чиқарилиши тушгача кечиктирилади.
Муаммо ҳал этилмагунча сайт ҳам ишламайди. Бу ерда қўшимча янгиланишлар, шу жумладан мумкин бўлган қўшимча кечикишлар тақдим этилади", - дейилади "Манчестер Юнайтед" баёнотида.
