Туриннинг "Ювентус" клуби тез орада "Болонья" марказий ҳимоячиси Риккардо Калафьори учун курашга қайтиши мумкин.
Қайд этилишича, Лондоннинг “Арсенал” клуби билан музокараларда қийинчиликлар юзага келган, шу боис “Ювентус” вазиятни фаол кузатиб бормоқда. “Кекса синьора”нинг спорт директори Кристиано Жунтоли бунгача “Ювентус”нинг янги бош мураббийи Тьяго Мотта қўл остида ўйнаган италиялик футболчини қўлга киритишдан умидини узмаяпти.
Шу билан бирга, "Болонья" Калафьорини Италиянинг бошқа жамоасига сотмоқчи эмас. Аввалроқ, Рикардо хизматларига Лондоннинг “Челси” клуби ҳам қизиқиш билдирганди, аммо “кўклар” расмий таклиф билан чиқишмаганди.
