Рейньер «Реал Мадрид» асосий жамоасида машғулот ўтказмаяпти.

"As" нашри хабарига кўра, кеча Мадрид клубининг саккиз нафар футболчиси - Тибо Куртуа, Андрей Лунин, Давид Алаба, Лукас Васкес, Фран Гарсия, Хесус Вальехо, Дани Себальос ва Браим Диаслар мавсумга тайёргарлик кўришган.

Ҳужумкор ярим ҳимоячи Рейньер машғулотларда иштирок этмади - у асосий таркиб футболчиси ҳисобланмайди. Бразилиялик футболчи «Кастилья»га ўтди ва у ерда Рауль бошчилигида ишлайди.

Рейньер «Фламенго»дан 30 миллион евро эвазига «Реал»га ўтган, бироқ «Лос Бланкос» сафида ҳалигача бирорта расмий ўйин ўтказмаган. 2020 йилдан бери у Дортмунднинг «Боруссия», «Жирона» ва «Фрозиноне» клубларида ижара асосида ўйнаган.