"Барселона" "Лейпциг"нинг ҳужумкор ярим ҳимоячиси Дани Ольмони сотиб олишни якунлаши учун жамоанинг юқори баҳоли футболчиларини сотиши керак, бироқ Каталония клубининг асосий ўйинчиларидан ҳеч бири клубни тарк этиш ниятида эмас. Бу ҳақда Football Espana нашри хабар бермоқда.
Манбага кўра, "Барселона"нинг молиявий аҳволи катта эҳтимол билан Бильбаонинг "Атлетик" клуби вингери Нико Уильямсни сотиб олишга имкон беради, агар "кўк-анорранглилар" Ла Лиганинг 1:1 молиявий қоидаларига қайтса.
Бироқ Ольмонинг трансфери ҳозирги таркиб футболчилари сотилсагина амалга ошади. Таъкидланишича, Рональд Араухо, Френки де Йонг ва Рафиньялар шундай футболчилар саналади, бироқ уларнинг ҳеч бири Каталония клубидан кетишни истамайди.
