Мюнхеннинг "Бавария" клубида ўйнаётган марказий ҳимоячи Маттейс де Лигт Англия Премьер-лигасига ўтиши мумкин. Бу ҳақда The Mirror нашри хабар бермоқда.

Манбанинг хабарига кўра, нидерландиялик футболчига "Манчестер Юнайтед" жиддий қизиқиш билдирмоқда. "Қизил иблислар" раҳбарияти де Лигтнинг трансфери учун 53 миллион евро таклиф қилишга тайёр. Қайд этилишича, футболчининг ўзи аллақачон "манкунианликлар" билан шахсий келишув шартларини келишиб олган. Ҳимоячининг мюнхенликлар билан шартномаси 2027 йилнинг ўрталарига қадар тузилган. Transfermarkt маълумотларига кўра, де Лигтнинг бозор қиймати 65 миллион еврога баҳоланмоқда.