Қатар миллий терма жамоаси 17 апрель куни Фаластин билан ўртоқлик учрашувини ўтказиш борасида келишувга эришди ва жамоа бош мураббийи Фаҳад Тани бугундан қисқа муддатли йиғинга футболчиларни тўплади.

Қатар терма жамоаси Фаластинни Доҳадаги "Жассим бин Ҳамад" стадионида қабул қилади. Ушбу ўйин қатарликлар учун ЖЧ-2014нинг Эрон ва Ўзбекистонга қарши саралаш ўйинлари учун тайёргарлик вазифасини ўтаб беради. Қатар 4 июнь куни Эронни қабул қилса, 18 июнь куни Ўзбекистон меҳмони бўлади.

"Биз саралаш ўйинигача бир нечта ўртоқлик ўйинларини ўтказамиз", дейди Фахад Тани. "Ҳозирги кунда Осиё ва Европанинг турли терма жамоалари билан музокараларни якунлаяпмиз ва ушбу ўйинлар келаси йилнинг сўнгига қадар муддатни ўз ичига олади. Ушбу ўйинлар ёш футболчилар учун муҳим аҳамиятга эга бўлади, биз уларни синовдан ўтказиб оламиз. Балки "Қатар В" терма жамоасини ҳам ташкил қилармиз. Бу жамоа бизга захира таркибни шакллантиришда ёрдам беради".

Июнь ойида 2та ўйин ўтказадиган Қатар терма жамоаси, бош мураббийнинг фикрича, ҳали ЖЧга чиқиш имкониятини қўлдан бой бермаган.

"ЖЧда иштирок этиш учун бизда ҳали имконият бор. Олдимизда 2та ўйин бор ва биз уларда ғалаба қозонсак, биз якунда ижобий натижага эришамиз. Худо хоҳласа, биз бу ўйинларда ғалаба қозонамиз. Биз вазиятга реал баҳо беришимиз лозим. Улкан натижаларни қўлга киритиш учун келажакда кучли жамоани шакллантиришимиз керак. Сўнгги 2та ўйинда курашамиз. Мухлисларга буни ваъда қиламиз", дейди мураббий.