Килиан Мбаппе тақдимотдан олдин янги жамоадошлари билан саломлашишга, биринчи марта клуб либосини кийишга ва бир нечта суратга тушишга муваффақ бўлди.
Мбаппе мураббийлар штаби ва мавсум олдидан қайтган 7 нафар асосий таркиб футболчиси билан учрашди. Булар: Андрей Лунин, Лукас Васкес, Давид Алаба, Хесус Вальехо, Фран Гарсия, Дани Себалос ва Браим Диас. Килиан "Реал Мадрид" футболчиларида ажойиб таассурот қолдирди.
"У оддий йигитга ўхшайди, испанчани яхши билади ва ҳалол. Ўйлайманки, бу ер унга ёқади", - дейди клуб фахрий президенти Хосе Мартинес Пирри.
