"Наполи" марказий ҳужумчиси Виктор Осимхен ўзининг келажаги борасида якуний қарорга келди, бу ҳақда инсайдер Фабрицио Романо ижтимоий тармоқларда маълум қилди. Журналистнинг хабар беришича, нигериялик тўпурар ёзги трансферлар ойнаси ёпилгунча жамоасини ўзгартирмоқчи.
Аввалроқ матбуотда африкалик футболчига асосий давогар Франциянинг "ПСЖ" клуби эканлиги ҳақида хабарлар тарқалган эди. Агар Парижга трансфер амалга ошмаса, Виктор Саудия Арабистони вариантларини кўриб чиқиши мумкин.
Осимхен 2020 йилдан бери Неапол жамоасида ўйнаб келмоқда. Ўтган мавсумда ҳужумчи 32 та ўйинда майдонга тушиб, 17 та гол ва 4 та голга ассистентлик қилган.
