"Интер" "Зенит" ҳимоячиси, Бразилиянинг "Интернасионал" клубида ижара асосида ўйнаётган Роберт Ренанни Россия клубининг молиявий талаблари юқорилиги сабабли трансфер қилишдан бош тортиши мумкин.

Манбага кўра, "нерадзуррилар" "Зенит" сўраётган 20 миллион еврони тўлашга тайёр эмас. Аввалроқ “Интер” футболчи учун 10 миллион евро тўлашга тайёрлиги ҳақида хабар берилганди.

2024 йилнинг январидан буён футболчи "Интернасионал"да ижара асосида ўйнамоқда, ижара шартномаси 2024 йилнинг 31 декабрида тугайди. Бразилия клуби таркибида Роберт Ренан барча турнирларда 26 та ўйин ўтказиб, иккита голли узатмани амалга оширган.