15 апрел куни АҚШнинг Бостон шаҳрида оммавий югуриш марафони бўлаётган бир пайтда кетма-кет иккита портлаш содир бўлди. Бу ҳақда CNN ахборот агентлиги хабар беради.
Мазкур портлаш ҳодисаларини АҚШ ҳуқуқ-тартибот органлари теракт деб баҳолади. Қўпорувчилик оқибатида 3 киши ҳалок бўлди ва 100 дан ортиқ инсон турли даражада тан жароҳати олди. Америка халқига телевидение орқали қилган мурожаатида, Президент Барак Обама бу террорчилик ортида ким тургани албатта аниқланиши ва албатта муносиб жазо олиши шарт эканлигини та’кидлади.
Биз Бостон марафони пайтида юз берган мазкур қўпорувчиликни кескин қоралаймиз ва унда жабр кўрган инсонларга ўзимизнинг ҳамдардлигимизни билдирамиз.
