"Реал Мадрид" президенти Флорентино Перес собиқ ҳимоячи ва жамоа сардори Начо Фернандес шарафига ўтказилган хайрлашув маросимида таъсирчан нутқ сўзлади.
"Бугун "Реал Мадрид" мухлислари учун ҳаяжонли кун, чунки улар фидойилик, истеъдод ва содиқлик билан ажралиб турадиган энг буюк футболчиларидан бири билан хайрлашмоқда. У клубимиз қадриятларини қандай ҳимоя қилишни биларди. Ҳурматли Начо, мен сизга шуни айтмоқчиманки, биз доимо сизга таянишимиз мумкинлигидан фахрланамиз. "Реал Мадрид"да ўйнаш орзусини амалга оширган бола билан барчамиз фахрланамиз. Бу клуб ҳар доим сизнинг уйингиз бўлиб қолади", - деди Перес.
