"Рома" "Жирона"дан Артем Довбикни сотиб олишни режалаштирмоқда.

Аввалроқ 27 ёшли ҳужумчи "Атлетико" билан шартнома имзолашдан олдин келишувнинг якуний тафсилотларини муҳокама қилиш учун Мадридга келиши хабар қилинганди.

Инсайдер Жанлука Ди Марционинг сўзларига кўра, Италия клуби "Жирона" ва "Атлетико"нинг украиналик ҳужумчиси ўртасидаги музокараларга аралашиши мумкин.

Қайд этилишича, бу клуб катта эҳтимол билан "Рома" ҳисобланади. Рим клуби раҳбарияти "Челси"га қайтган Ромелу Лукаку ўрнига ҳужумчи топиш ниятида.

Шунингдек, украиналик форвард ҳали "Атлетико"га ўтишга якуний розилик бермагани хабар қилинган.

Довбик ўтган мавсум Ла Лигада 36 ўйинда 24 та гол уриб, 8 та голли узатмани амалга ошириб, энг яхши тўпурарга айланди.