"Челси" бош мураббийи Энцо Мареска жамоасининг савиясини юқори баҳолади.
Италиялик мутахассис ўтган мавсум охирида кетган Маурисио Почеттино ўрнига "кўклар" бошқарувини эгаллади. "Лестер"нинг собиқ устози Лондон клуби билан 5 йиллик шартнома имзолади.
"Челси" ажойиб таркибга эга. Мен бунга тўлиқ аминман, бу ерда жуда кўп истеъдодлар бор. Мен ёш футболчилар билан ишлашни яхши кўраман, чунки улар янги нарсаларга очиқ ва ўрганишни хоҳлашади", - деди ўтган мавсум якунида "Лестер" билан чемпионликни қўлга киритган Мареска ESPN телеканалига берган интервюсида.
