Марокаш терма жамоаси ҳимоячиси Ашраф Ҳакими Париж Олимпиадасида Аргентинага қарши ўйиндан сўнг ирқчилик руҳидаги хабарлар олди.

Учрашув якунлангач, аргентиналик мухлислар томонидан 25 ёшли футболчининг тери рангига ишора қилиб, "ПСЖ" ҳимоячисининг ижтимоий тармоқларида маймун, каламуш ва бошқа белгилар кўринишидаги ҳақоратомуз изоҳлар ва эмодзилар пайдо бўла бошлади.

Шунингдек, улар унга "қора", "зўрловчи" ва бошқа ҳақоратларни ёзишган.

Учрашувнинг ўзи жанжал билан якунланди: 106-дақиқада аргентиналиклар ҳисобни тенглаштиришди (2:2), шундан сўнг марокашлик мухлислар тартибсизликларни бошлаб юборишди ва ҳакам жамоаларни кийиниш хонасига олиб кетди. Икки соатдан сўнг ўйин давом эттирилди ва бош ҳакам ВАРни кўриб чиқиб, голни бекор қилди. Ўйин якунда Аргентинанинг 1:2 ҳисобидаги мағлубияти билан якунланди.