Marokash terma jamoasi himoyachisi Ashraf Hakimi Parij Olimpiadasida Argentinaga qarshi o‘yindan so‘ng irqchilik ruhidagi xabarlar oldi.
Uchrashuv yakunlangach, argentinalik muxlislar tomonidan 25 yoshli futbolchining teri rangiga ishora qilib, "PSJ" himoyachisining ijtimoiy tarmoqlarida maymun, kalamush va boshqa belgilar ko‘rinishidagi haqoratomuz izohlar va emodzilar paydo bo‘la boshladi.
Shuningdek, ular unga "qora", "zo‘rlovchi" va boshqa haqoratlarni yozishgan.
Uchrashuvning o‘zi janjal bilan yakunlandi: 106-daqiqada argentinaliklar hisobni tenglashtirishdi (2:2), shundan so‘ng marokashlik muxlislar tartibsizliklarni boshlab yuborishdi va hakam jamoalarni kiyinish xonasiga olib ketdi. Ikki soatdan so‘ng o‘yin davom ettirildi va bosh hakam VARni ko‘rib chiqib, golni bekor qildi. O‘yin yakunda Argentinaning 1:2 hisobidagi mag‘lubiyati bilan yakunlandi.
