Туриннинг "Ювентус" клуби "Аталанта"дан ярим ҳимоячи Тён Копмейнерснинг трансфери бўйича янги таклиф тайёрламоқда. Журналист Николо Скира берган маълумотларга кўра, "кекса сеньора" яқин орада келишувни якунлашга умид қилмоқда.
Қайд этилишича, “Ювентус” Копмейнерснинг ўзи билан шахсий шартнома шартларини келишиб олган. Нидерландиялик футболчи трансфер қилинган тақдирда йилига 4,5 миллион евро маош билан 2029 йилгача шартнома имзолайди.
Аввалроқ, "Аталанта" Копмейнерс учун товон пули сифатида 60 миллион евро талаб қилаётгани хабар қилинганди.
