"Реал" ўз ҳимоячиси Ферлан Менди билан янги меҳнат шартномасини имзолайди, деб хабар бермоқда Marca нашри.
Франциялик футболчининг "Қироллик клуби" билан янги шартномаси 2027 йилнинг ўрталарига қадар амал қилади. Шартномада ҳамкорликни бир мавсумга узайтириш имкониятини назарда тутувчи банд бор. 29 ёшли ҳимоячи 2019 йилдан бери мадридликлар сафида ўйнаб келмоқда.
Испания чемпионатининг ўтган мавсумида Менди 23 та ўйинда майдонга тушиб, 5 та сариқ карточка олди. Ферланд "Лос Бланкос" билан биргаликда Чемпионлар лигасида ғолиб чиқди ва Испания Ла Лигаси чемпиони бўлди.
