Артём Довбикнинг "Атлетико Мадрид"га ўтиши амалга ошмай қолиши мумкин.
Аввалроқ, "Атлетико" ва "Жирона" ҳужумчининг трансфери бўйича бонуслар билан бирга 39 миллион еврога келишувга эришгани хабар қилинганди.
Журналист Маттео Мореттонинг ёзишича, Довбикнинг агенти билан кечаги учрашувда "Атлетико" шахсий шартнома шартлари ва комиссия тўлови миқдори бўйича келиша олмади.
"Рома" ва "Вест Хэм" украиналик форварднинг ҳолатини диққат билан кузатиб боришмоқда. Таъкидланишича, яқин соатларда Довбик вакили римликларнинг таклифини тинглайди.
Довбик ўтган мавсум Ла Лигада 36 ўйинда 24 та гол уриб, 8 та голли узатмани амалга ошириб, энг яхши тўпурарга айланди.
