"Панатинаикос" клуби "Галатасарой" вингери Тетенинг трансферини эълон қилди.
24 ёшли бразилиялик футболчи Греция клуби сафида 10-рақамда ҳаракат қилади.
SDNA нашри хабарига кўра, Тетенинг трансфери 7 миллион еврони ташкил қилган. У 4 йиллик шартнома имзолади, маоши - мавсумига 2,7 миллион евро.
Ўтган ёзда ярим ҳимоячи "Шахтёр" билан шартномасини бир томонлама бекор қилганди. Бунинг учун у Донецк клубига тахминан 2,5 миллион евро тўлаши кераклиги хабар қилинганди.
Шундан сўнг Тете "Галатасарой"га эркин агент сифатида қўшилди. Ўтган мавсумда у 43 ўйинда 3 гол ва 3 голга ассистентлик қилган.
