Испаниялик теннисчи ва “катта дубулға” турнирларининг 22 карра ғолиби Рафаэль Надаль сон қисмидаги жароҳати сабаб 2024-йилда Парижда бўлиб ўтадиган Олимпия ўйинларини ўтказиб юбориши мумкин.
Бу ҳақда унинг мураббийи Карлос Мойя хабар берди.
"Надалнинг Олимпиадада иштирок этишига кафолат бера олмайман. Бугун унга тикланиш учун кўпроқ вақт бериш учун дам олишга қарор қилдик.
Кўрамиз, у эртага тайёр бўладими? Ҳозир энг муҳими, уни мажбурлаш керак эмас", деди Мойя.
38 ёшли Надаль 25-июл, чоршанба куни ўнг сонидаги муаммолар туфайли машғулотларни ўтказиб юборганди.
