Ispaniyalik tennischi va “katta dubulg‘a” turnirlarining 22 karra g‘olibi Rafael Nadal son qismidagi jarohati sabab 2024-yilda Parijda bo‘lib o‘tadigan Olimpiya o‘yinlarini o‘tkazib yuborishi mumkin.
Bu haqda uning murabbiyi Karlos Moyya xabar berdi.
"Nadalning Olimpiadada ishtirok etishiga kafolat bera olmayman. Bugun unga tiklanish uchun ko‘proq vaqt berish uchun dam olishga qaror qildik.
Ko‘ramiz, u ertaga tayyor bo‘ladimi? Hozir eng muhimi, uni majburlash kerak emas", dedi Moyya.
38 yoshli Nadal 25-iyul, chorshanba kuni o‘ng sonidagi muammolar tufayli mashg‘ulotlarni o‘tkazib yuborgandi.
