Лондоннинг "Челси" клуби билан шартномасини бекор қилган марказий ҳимоячи Маланг Сарр фаолиятини Франция чемпионатида давом эттиради.
25 ёшли футболчи "Ланс"га кўчиб ўтди, дея хабар беради клуб матбуот хизмати.
Ҳимоячи французлар билан икки йиллик меҳнат шартномасини имзолади. Эслатиб ўтамиз, Маланг “Челси” сафида 21 та ўйин ўтказиб, гол урмаган.
Илгари у "Ницца", "Порту" ва "Монако" каби клубларда ўйнаган ҳолда ўзини кўрсатган. Франция чемпионатининг ўтган мавсумида "Ланс" 34 ўйинда 51 очко жамғарди. Жамоа Лига 1 турнир жадвалида еттинчи ўринни эгаллади.
