Londonning "Chelsi" klubi bilan shartnomasini bekor qilgan markaziy himoyachi Malang Sarr faoliyatini Fransiya chempionatida davom ettiradi.

25 yoshli futbolchi "Lans"ga ko‘chib o‘tdi, deya xabar beradi klub matbuot xizmati.

Himoyachi fransuzlar bilan ikki yillik mehnat shartnomasini imzoladi. Eslatib o‘tamiz, Malang “Chelsi” safida 21 ta o‘yin o‘tkazib, gol urmagan.

Ilgari u "Nissa", "Portu" va "Monako" kabi klublarda o‘ynagan holda o‘zini ko‘rsatgan. Fransiya chempionatining o‘tgan mavsumida "Lans" 34 o‘yinda 51 ochko jamg‘ardi. Jamoa Liga 1 turnir jadvalida yettinchi o‘rinni egalladi.