"Реал Мадрид" келажагини кўзлаган ҳолда ўз таркибини кучайтириш устида ишламоқда. AS ўз саҳифаларида хабар беришича, Мадрид суперклуби "Бавария"дан ҳимоячи Альфонсо Дэвис трансфери бўйича келишиб олди.
Миш-мишлар узоқ вақтдан бери "Реал"ни Дэвис билан боғлаб келади. Мадридликлар канадалик футболчини шу ёзда қўлга киритиши мумкиндек туюлди, аммо "Бавария" Альфонсо учун 50 миллион евро талаб қилиб, унинг нархини пасайтирмади, гарчи унинг шартномаси келаси ёзда тугаса ҳам.
Натижада, “Реал” Дэвис билан келаси ёзда эркин агент сифатида трансфер борасида келишиб олди. Манбанинг таъкидлашича, 23 ёшли канадалик шартнома имзолагани учун катта миқдордаги бонус билан тақдирланади.
