Ҳар бир футболчининг ўз трансфер суммаси бўлади. Европа футболига оид янгиликларда тез-тез қайсидир футболчининг қанчадир сумма эвазига фалончи клубдан пистончи жамоага ўтганини ўқиймиз ёки бўлмаса эшитамиз. Ўзбек футболида эса ўйинчиларга нисбатан трансфер нархини белгилаш ҳали тўлиқ ривожлангани йўқ. Чунки бизда 95 фоиз ўйинчи у жамоадан бунисига эркин агент сифатида ўтади.

Шу ўринда “Шўртан”да тўп тепаётган футболчиларнинг тахминий нархини келтиришни лозим топдик. Албатта, бу суммалар шунчаки тахмин холос. Шу боис ўйинчиларга нарх белгилашда асосан ўша футболчининг намойиш этган ўйинини инобатга олдик.

Кузатувимиз бўйича ҳозирда “Шўртан”нинг энг қиммат футболчиси Павел Соломин бўлиб турибди. Соломин ҳам гол уриши, ҳам ўйинни бошқариш қобилияти билан ажралиб туради. Назаримизда, унинг трасфер нархи ўзбек футбол бозорида 90 миллион сўмга баҳоланса керак. Бу борада иккинчи ўринни жамоа сардори Асрор Алиқулов эгаллаб турибди. Тажрибали ҳимоячининг трансфер нархини 80 миллион атрофида десак бўлади. Учинчи ўрин эса Дилявер Абибуллаевга насиб этди. Бу футболчини 70 миллион сўмга баҳоладик. Қуйида бошқа футболчиларнинг ҳам тахминий трансфер суммалари билан танишишингиз мумкин.