"Барселона" юқори даражадаги трансферга яқинлашмоқда. Яқин вақтларда каталонияликлар сафига Испания терма жамоаси таркибида Европа чемпионатида ёрқин намоён бўла олган "Атлетик" вингери Нико Уильямс қўшилиши мумкин. Бу ҳақда Испаниянинг El Chiringuito TV телекўрсатуви хабар бермоқда.
Аввалроқ матбуот 22 ёшли Уильямсни "Атлетик"дан 58 миллион еврога сотиб олиш мумкинлигини ёзган эди. Шу билан бирга, Transfermarkt портали вингерни юқорироқ – 70 миллион еврога баҳоламоқда.
Аввалроқ, "ПСЖ" Нико Уильямсни ўз сафига қўшиб олмоқчи эканлиги ҳақида маълумотлар пайдо бўлганди.
