Андреас Георгсон "Манчестер Юнайтед" мураббийлар штабига қўшилди.
42 ёшли швециялик мутахассисининг сўнгги клуби Норвегиянинг "Лиллестрем" жамоаси бўлиб, у 2024 йилнинг январидан буён раҳбарлик қилган.
MEN нашри хабарига кўра, Георгсон "Манчестер Юнайтед"да стандарт вазиятлар устида ишлаш учун жавобгар бўлади. Норвегия матбуотининг ёзишича, "манкунианликлар" унинг шартномасини "Лиллестрем"дан 280 минг фунтга сотиб олишган.
Георгсон аввалроқ “Саутгемптон”, “Арсенал” ва “Брентфорд” мураббийлар штабида ишлаган, 2022 йилда эса “Мальмё” бош мураббийи вазифасини бажарувчи эди.
