"Барселона" ҳимоячи Жоау Канселуни ортга қайтара олмайди.
2023/2024 йилги мавсумда португалиялик футболчи "кўк-анорранглилар" сафида ижара асосида ўйнаган, бироқ шартнома муддати тугаган. Каталонияликлар Канселуни яна қўлга киритишга қарши эмас, бироқ Sport нашрига кўра, "Барселона" Канселуни ихтиёрий сотиб олиш опцияси билан ижарага олмоқчи. "Барселона" сотиб олиш учун бор-йўғи 20 миллион евро тўлаши мумкин эди.
"Манчестер Сити" Канселунинг трансферидан 30 миллион евро ишлаб олмоқчи. Саудиянинг “Ал-Аҳли” ва “Ал-Иттифоқ” бундай пулни бир тўловда тўлашга тайёр. Айни пайтда 30 ёшли Канселу “Ювентус” ва “Интер”нинг нишонида турибди.
