Хабарингиз бор, "Навбаҳор"-"Локомотив" (1:1) учрашувидан аввал "лочинлар" мураббийи Усмон Асқаралиевнинг соғлиғи ёмонлашгани боис шифохонада даволанаётган эди.
Куни кеча Усмон Аҳмедович шифохонадан чиқди. Асқаралиевнинг ўзи "Навбаҳор"да ишлашни истамоқда. Лекин клуб раҳбарияти ҳозирча имконият бермади, деб айтилмоқда ишончли манбалардан олган маълумотларимизга кўра.
Албатта, Усмон Асқаралиевни барчамиз бирдек ҳурмат қиламиз, унинг "Навбаҳор" учун қилган меҳнатларини қадрлаймиз. Аммо ҳозирги кунда "Навбаҳор" Усмон Аҳмедовичсиз яхши кўринмоқда. Албатта, сўнгги масалани клуб раҳбарияти ҳал этади. Бизга ким бўлса ҳам натижа қилиб берса бўлди.
Асқаралиев клубга келгач жамоа ички муҳити ёмонлашгани ҳақида маълумотлар олгандик. Ҳозирда эса, ички муҳит ҳақида гап ҳам бўлиши мумкинмас. Айрим футболчилар билан суҳбатлашганимизда, "Навбаҳор"даги ҳозирги муҳитни аввалги жамоаларида кўрмаганликларини айтиб ўтишмоқда. Шундай экан, Мустафо Байрамовга клубни топшириб, жавобгарликни юклаш зарур.
Жамоамиз "Гулистон" билан ўтажак учрашувга жиддий ҳозирлик кўрмоқда. Мустафо Байрамов машғулотларни анча қизиқарли тусда олиб бораётгани аҳамиятли. Хуллас, ҳозирча барчаси кўнгилдагидек.
Зоҳидхон ИКРОМОВ.
