"РБ Лейпциг" ва Испания терма жамоасининг ҳужумкор ярим ҳимоячиси Дани Ольмо "Барселона"нинг трансфер мақсадларидан бири ҳисобланади.

Каталония клуби молиявий имкониятлар имкон берса, 26 ёшли футболчини сотиб олишга ҳаракат қилади. Айни пайтда "кўк-анорранглилар" раҳбарияти футболчининг вакиллари билан музокаралар олиб бормоқда. “Sport” нашри хабарига кўра, “Барселона” Ольмонинг кўп қирралилигини алоҳида қадрлайди. Агар испанияликнинг трансфери амалга ошса, Ханс-Дитер Флик уни ҳужумнинг деярли барча позицияларида - ҳужумчи ортида, сохта тўққизлик ва иккала қанотда ҳам қўллаши мумкин бўлади.

Дани Ольмонинг трансфер нархи тахминан 60 миллион еврони ташкил қилиши мумкин – “РБ Лейпциг” унинг учун шунча пул олишни режалаштирмоқда.