"Челси" бош мураббийи Энцо Мареска "Селтик"га қарши ўртоқлик учрашувидаги (1:4) даҳшатли мағлубият ҳақида фикр билдирди.
"Натижа ҳар доим муҳим. Ўйинни яхлит таҳлил қилишимиз керак. Жамоа тўп билан ўйинда "Рексхем"га (2:2) қарши ўйиндагига қараганда 10 марта яхшироқ эди. Бу жуда муҳим, чунки биз яратган имкониятлар сонини кўрамиз.
Албатта, биз вазиятни яхшилашимиз мумкин. Баъзида биз қисқа ёки ўрта пас ўйнашимиз керак бўлганда довдираб қоламиз. Бу жараённинг бир қисми.
Ўйин бошланганидан 5 дақиқа ўтиб бизда 2-3 имконият бўлди. Ўтказиб юборган учинчи голгача жамоа жуда яхши ҳаракат қилди ва вазиятлар яратди.
Жисмоний ҳолат нуқтаи назаридан биз ва улар ўртасидаги фарқни тушуниш муҳимдир. Улар аллақачон 3-4 ўйин ўтказишди, тез орада мавсумни бошлашади. Ўйиндан ўйинга, машғулотдан машғулотга ўтиб биз тайёр бўламиз." - деди Мареска.
