"Chelsi" bosh murabbiyi Enso Mareska "Seltik"ga qarshi o‘rtoqlik uchrashuvidagi (1:4) dahshatli mag‘lubiyat haqida fikr bildirdi.
"Natija har doim muhim. O‘yinni yaxlit tahlil qilishimiz kerak. Jamoa to‘p bilan o‘yinda "Reksxem"ga (2:2) qarshi o‘yindagiga qaraganda 10 marta yaxshiroq edi. Bu juda muhim, chunki biz yaratgan imkoniyatlar sonini ko‘ramiz.
Albatta, biz vaziyatni yaxshilashimiz mumkin. Ba’zida biz qisqa yoki o‘rta pas o‘ynashimiz kerak bo‘lganda dovdirab qolamiz. Bu jarayonning bir qismi.
O‘yin boshlanganidan 5 daqiqa o‘tib bizda 2-3 imkoniyat bo‘ldi. O‘tkazib yuborgan uchinchi golgacha jamoa juda yaxshi harakat qildi va vaziyatlar yaratdi.
Jismoniy holat nuqtai nazaridan biz va ular o‘rtasidagi farqni tushunish muhimdir. Ular allaqachon 3-4 o‘yin o‘tkazishdi, tez orada mavsumni boshlashadi. O‘yindan o‘yinga, mashg‘ulotdan mashg‘ulotga o‘tib biz tayyor bo‘lamiz." - dedi Mareska.
