Рафинья "Барселона"ни тарк этиши мумкин.
Mundo Deportivo нашри хабарига кўра, Каталония клуби Саудия Арабистонидан 65 миллион евролик таклиф олган. Бу таклифни "Ал-Ҳилол" клуби юборган. Бироқ, "Барселона" бу миқдорни бироз кам баҳоланган деб ҳисоблайди.
Бир неча ҳафта олдин бразилиялик футболчига "Ал-Ҳилол" қизиқиш билдираётгани хабар қилинганди. "Кўк-анорранглилар" агар Саудия Арабистони 90 миллион евро таклиф қилса, музокарага киришишга тайёр эканликларини айтди.
Ўшандан бери "Барселона" молиявий талабларини пасайтирди - клуб Нико Уильямс ва Дани Ольмони қўлга киритиш учун футболчиларни сотиши кераклигини тушунади. Қанот футболчисининг фикри ўзгармади - у жамоадан кетишни истамаяпти.
