"Ан-Наср"нинг молиявий ресурслари етарли, шунинг учун Саудия клуби Европадан юқори мақомга эга футболчиларни сотиб олишга ҳаракат қилишда давом этади.
"Барселона" вингери Рафинья яқин келажакда Криштиану Роналдунинг жамоадошига айланиши мумкин. Испаниянинг Sport нашри хабарига кўра, "Ан-Наср" 27 ёшли бразилиялик футболчи учун 100 миллион евро таклиф қилишга тайёр.
Рафиньяни сотиш орқали "Барселона" ёзги трансферларда Нико Уильямс ва Дани Ольмони сотиб олиши мумкин. Бу фактни инобатга олсак, каталонияликлар бразилияликни кетишга ундайди, бироқ аввало таклиф келиши керак.
