"Наполи" бош мураббийи Антонио Конте жамоанинг янги мавсумга тайёргарлиги ҳақида гапирар экан, футболчиларнинг ўз устида ишлаш ва ривожланиш истагидан жуда мамнун эканлигини таъкидлади.
“Биз тактик нуқтаи назардан жамоага ўзига хосликни бериш учун қаттиқ ишлаяпмиз. Йигитларнинг тайёргарлиги ва истагидан жуда мамнунман, аммо бизда ҳали яхшиланиш учун имкон бор. Яна бир неча кундан сўнг "Брест" билан навбатдаги ўртоқлик учрашуви бўлиб ўтади, биз ҳар томонлама, тактик ва жисмоний жиҳатдан астойдил ҳаракат қиляпмиз. Келажакда бу ўйинлар устида ишлашда давом этамиз", - дея Конте сўзларини келтиради Sky Sport Italia.
“Наполи” 31 июль куни “Брест”га қарши ўртоқлик ўйини ўтказади, 3 август куни “Жирона”га қарши баҳс олиб боради.
