"Барселона"нинг бразилиялик ҳужумчиси Витор Роке клублар ўртасидаги музокаралардан сўнг Саудия Арабистонининг "Ал-Ҳилол" клубининг трансфер таклифини рад этди, дея хабар беради журналист Фабрицио Романо.
Манбага кўра, Саудия клуби раҳбарияти Европадан икки нафар ёш ҳужумчи ҳақида маълумот сўраган, улардан бири колумбиялик 20 ёшли "Вест Хэм" ҳужумчиси Жон Дуран.
Эслатиб ўтамиз, 19 ёшли футболчи 2024 йилнинг январида "Атлетико Паранаэнсе"дан "Барселона"га ўтган эди. Трансфер суммаси 40 миллион еврони ташкил қилган футболчининг клуб билан шартномаси 2031 йилнинг ёзига қадар тузилган. Transfermarkt Рокени 40 миллион еврога баҳолади, бу мавсумда Роке барча мусобақаларда 16 та ўйин ўтказиб, 2 та гол урди.
