Дарвозабон Кейлор Навас фаолиятини Италия чемпионатида давом эттириши мумкин. Нуфузли инсайдер Фабрицио Романонинг ижтимоий тармоқларда хабар беришича, «Монца» Навас учун музокаралар олиб бормоқда. А Серия клуби 37 ёшли коста-рикалик футболчини эркин агент сифатида сотиб олиши мумкин.
Кейлор Навас футбол оламида асосан «Реал Мадрид» ва «ПСЖ»даги ўйинлари билан танилган. Жорий йилнинг ёзида коста-рикалик футболчи Париждаги шартномаси тугагач, эркин агентга айланган эди.
Эслатиб ўтамиз, Италия чемпионати сўнгги мавсумида «Монца» турнир жадвалида ўн иккинчи ўринни эгаллаган эди.
