"Нефтчи" иккинчи давра учрашувлари олдидан яна бир трансферга қўл урди, фарғоналиклар сафига биринчи даврани "Металлург" сафида ўтказган тажрибали Сардор Абдураимов келиб қўшилди.

Профессионал футбол фаолиятини Қашқадарё вилоятида бошлаган Абдураимов кўп йиллар воҳа футболи тараққиётига муносиб улуш қўшди. “Машъал” ва “Насаф” жамоалари шарафини ҳимоя этди. 2020 йилнинг биринчи даврасини “Бунёдкор”да ўтказиб, яна ортига қайтди. 2021 йилнинг иккинчи ярмидан эътиборан эса Яйпаннинг “Турон” жамоасида ўтказган ва 2023 йил июл ойидан буён  Бекабоднинг "Металлург" жамоасида фаолият олиб борди.

Сардор биринчи даврада Бекабодликлар сафида 12 учрашувда майдонга чиқиб, 952 дақиқа харакат қилди ва бир гол урди.

Сардор Абдураимов – 1994 йилнинг 6 октябр санасида Сурхондарё вилояти, Жарқўрғон туманида туғилган.