Хулиан Альварес «Манчестер Сити»даги келажаги ҳақида гапирди.
Аввалроқ 24 ёшли аргентиналик ҳужумчи клубдаги ўйинидан норози экани ва Манчестердан ҳам иссиқроқ иқлими бўлган шаҳарга кўчиб ўтишдан хурсанд бўлиши ҳақида хабар берилганди.
Қолаверса, «Атлетико» ҳужумчига қизиқиш билдираётгани ҳақида маълумот пайдо бўлди.
«Ўтган мавсумда мен «Сити»да энг кўп дақиқа ўйнаган футболчилардан бири эдим.
Лекин якунда муҳим учрашувлардан четда қолиш ҳеч кимга ёқмайди. Мен жамоа ғалабасига ҳисса қўшмоқчиман.
Мен ўзим учун нимани хоҳлаётганим ҳақида ўйлаш учун вақт ажратаман. Кўрамиз», - деди «Манчестер Сити» ҳужумчиси.
