Париждаги 2024 йилги Олимпиададаги триатлон Сена дарёсидаги сув сифати туфайли дуатлон форматида ўтказилиши мумкин.
Бу ҳақда Халқаро триатлон иттифоқи раҳбари маълум қилди. Илгари эркаклар ўртасидаги стартлар ёмғирдан кейинги сув сифати ёмонлиги сабабли 30 июлдан 31 июлга қолдирилган эди.
"Мусобақа дуатлон форматида ўтказилиши мумкин. Афсуски, мусобақани бекор қилмаслик учун аввал форматни ўзгартиришга мажбур бўлдик. Чунки мусобақаларсиз медаллар билан тақдирлаш мумкин эмас.
Спортчилар учун бу касбнинг бир қисмидир. Улар мослаша олишлари керак.
Бизнинг асосий мақсадимиз мусобақалар ўтказиш. Спортчиларимиз эса Олимпиадада қатнашишни истайди. Менимча, бу адолатсизлик эмас. Бу бироз бошқача формат", деди ташкилот раҳбари.
Триатлон сузиш, велосипедда юриш ва югуришдан иборат. Дуатлон сузишни ўз ичига олмайди ва Олимпия спорт тури эмас.
