Parijdagi 2024 yilgi Olimpiadadagi triatlon Sena daryosidagi suv sifati tufayli duatlon formatida o‘tkazilishi mumkin.
Bu haqda Xalqaro triatlon ittifoqi rahbari ma’lum qildi. Ilgari erkaklar o‘rtasidagi startlar yomg‘irdan keyingi suv sifati yomonligi sababli 30 iyuldan 31 iyulga qoldirilgan edi.
"Musobaqa duatlon formatida o‘tkazilishi mumkin. Afsuski, musobaqani bekor qilmaslik uchun avval formatni o‘zgartirishga majbur bo‘ldik. Chunki musobaqalarsiz medallar bilan taqdirlash mumkin emas.
Sportchilar uchun bu kasbning bir qismidir. Ular moslasha olishlari kerak.
Bizning asosiy maqsadimiz musobaqalar o‘tkazish. Sportchilarimiz esa Olimpiadada qatnashishni istaydi. Menimcha, bu adolatsizlik emas. Bu biroz boshqacha format", dedi tashkilot rahbari.
Triatlon suzish, velosipedda yurish va yugurishdan iborat. Duatlon suzishni o‘z ichiga olmaydi va Olimpiya sport turi emas.
