"Катта дубулға" туркумига кирувчи турнирларнинг 22 карра ғолиби испаниялик теннисчи Рафаэль Надаль Париждаги Олимпия ўйинларида кичик ўғли Рафаэль ва ўз рафиқаси Хиска Переллонинг қўллаб-қувватлашлари ҳақида гапирди.
Эслатиб ўтамиз, аввалроқ испаниялик теннисчилар Рафаэль Надаль ва Карлос Алькарас 2024-йил Олимпия ўйинларининг жуфтлик баҳсларида чорак финалга йўл олишганди.
Мусобақанинг 1/8 финалида Надаль ва Алькарас 6:4, 6:7 (2:7) ҳисобида [10:2] нидерландиялик Таллон Гриекспур ва Уэсли Кулхоф дуетидан устун келди.
"Рафа ҳали атрофдаги нарсаларни тушуниш учун жуда ёш, у икки ёшга ҳам кирмаган. Бола шунчаки дам олади.
Ёнингда оиланг бўлса ҳаммаси яхшидек туюлади менга. Турнирларда қатнашганимда Хиска ва Рафа мен билан бирга саёҳат қилишдан хурсанд эди, аммо бу ерда улар билан вақт ўтказа олмаслигим мени хафа қилади, чунки мен Олимпия шаҳарчасидаман. Аммо кортда бўлиш менга кўп нарса беради. Бу мен учун ҳозир жуда муҳим", - деди Надаль ўйиндан кейинги матбуот анжуманида.
