Фигурали учиш бўйича Россия терма жамоаси 2022-йилда Пекинда бўлиб ўтган қишки Олимпия ўйинларининг жамоавий баҳслари учун медалларни топшириш маросимига Парижга таклиф қилинмади.
Халқаро олимпия қўмитасининг (ХОҚ) коммуникация бўйича директори Марк Адамс ушбу тадбирда россиялик фигурали учувчилар иштирок этадими, деган саволга жавоб берди: “Ҳеч ким. Фақат олтин ва кумуш медаллар берилади”.
Июль ойида Спорт арбитраж суди (CАС) Россия томонининг умумжамоа ҳисобида олтин ўрнига бронза бериш ҳақидаги қарори устидан шикоятини рад этган эди.
Россияликлар ўрнига бронза олишни кутаётган Канада томонининг апелляциялари бўйича CАС ҳукми ҳозирча номаълум.
Канадаликларнинг даъвосига кўра, Валиеванинг натижалари қайта тикланганидан сўнг, унинг рақобатчиларининг очколари қайта ҳисобланмаган, акс ҳолда Канада терма жамоаси россияликлардан олдинда бўларди.
Валиева дисквалификация қилинганидан сўнг олтин америкаликларга, кумуш эса японларга берилди.
