Жоау Невеш "ПСЖ"га ўтишга яқин турибди.
A Bola хабарига кўра, парижликлар клуби "Бенфика" ярим ҳимоячисини 60+10 миллион евро эвазига сотиб олади. Ренату Санчес ҳам Португалия клубига текин ижара асосида ўтади.
Лиссабон жамоасида Невеш йилига 500 минг евро маош олади. У маошини икки баравар ошириш билан шартномани узайтиришдан бош тортди ва француз клубида 10 баробар кўп маош олади.
19 ёшли футболчи билан 2029 йилгача шартнома имзоланади. У жума куни тиббий кўрикдан ўтиш учун Парижга келиши кутилмоқда.
