«Манчестер Сити» ва «Лестер»нинг собиқ ҳужумчиси Келечи Ихеначо фаолиятини Испанияда давом эттиради.
«Севилья» ўз саҳифаларида футболчи билан шартнома имзолаганини эълон қилди. Шартнома икки йилга мўлжалланган бўлиб, меҳнат шартномасида шартномани яна бир мавсумга узайтириш имконияти ҳам мавжуд.
Нигериялик ҳужумчининг сўнгги клуби «Лестер» бўлган. Футболчи «тулкилар» сафида 232 та ўйин ўтказган ва бу ўйинларда рақиблар дарвозасига 61 марта тўп киритган ва шерикларига 34 та голли узатмани амалга оширган. Шу йилнинг 1 июлидан бошлаб Ихеначо эркин агент мақомига эга бўлди.
