"Манчестер Сити" ҳужумчиси Хулиан Альварес Англияни тарк этиб, Испанияга кўчиб ўтиши мумкин. Marca нашри хабарига кўра, аргентиналик футболчига Мадриднинг "Атлетико" клуби қизиқиш билдирмоқда.
“Матрасчилар” аргентиналик футболчини 33 ёшли франциялик ҳужумчи Антуан Гризманнинг ўрнига футболчи сифатида кўрмоқда. Мадридликлар Альваресни узоқ йиллар давомида жамоа ҳужумининг янги етакчисига айланиши мумкинлигига ишонмоқда. Унинг "шаҳарликлар" билан шартномаси 2028 йилнинг ёзига қадар тузилган.
Альварес ўтган мавсумда АПЛда 36 та ўйинда майдонга тушди. Ҳужумчи 11 та гол ва 9 та голли узатмани амалга оширди.
